Rande, 2ª mellor ponte do mundo?

No ano 2019, a ampliación de Rande foi seleccionada pola maior organización internacional de expertos como a segunda mellor ponte do mundo. O galardón entrégase en Nova York o 4 de setembro polo IABSE OSTRA. O premio ten en conta que é a primeira ponte atirantada de gran luz do mundo que foi ampliada, así como o proceso de obras realizadas sen cortar o tráfico e con nula afección medioambiental á ría. A ampliación de Rande xa recibiu o premio Acueducto de Segovia no 2018 e o ITS no 2019, converténdose na obra de enxeñaría máis premiada de Galicia.